Saturday, January 22, 2011

കലണ്‌ടര്‍ താളുകള്‍ ഓര്‍മ്മയാകുമ്പോള്‍



ഡിസംബര്‍ 31 കലണ്ടറിലെ അവസാന താളും പറിച്ചു മാറ്റുമ്പോള്‍ ജീവിതത്തില്‍ മറ്റൊരു കലണ്ടര്‍ വര്‍ഷം കൂടി നമ്മളില്‍ കടന്നു പോകുന്നു. മധുരവും, കയ്‌പ്പും, എരിവുള്ളതുമായ ഒത്തിരി ഓര്‍മകള്‍. പലതും നമ്മുടെ ജീവിതത്തിലേക്ക്‌ കടന്നു വന്നു. ചിലര്‍ വിട്ടു പിരിഞ്ഞു. എന്നാല്‍ ചിലര്‍ നമ്മളെ ഉപേക്ഷിച്ചു പോയി. എല്ലാത്തിനും ഉപരിയായി പുതിയ മുഖങ്ങള്‍ വന്നു പോയി. സ്‌നേഹവും ദുഖവും പരസപരം കൈമാറിയ ദിനങ്ങള്‍. മനുഷ്യന്റെ ജീവിതത്തിനോടുള്ള ആര്‍ത്തി കൂടി. ആഗ്രഹ സഫലീകരണത്തിന്‌ പലരും പലതും ചെയ്‌തു. ചിലര്‍ വിജയിച്ചു.ചിലരാകട്ടെ ഇപ്പോഴും ഓടി.
പുത്തന്‍ ഉണര്‍വിലും പ്രാര്‍ഥനയിലും പുതിയ വര്‍ഷത്തെ വരവേറ്റു. എല്ലാവരും വിജയത്തിനായി ഒരുപാടു കാര്യങ്ങള്‍ മനസ്സില്‍ മന്ത്രിച്ചു. വിജയം കണ്ടവര്‍ വലിയ വലിയ വിജയത്തിന്‌ കൊതിച്ചു. ലോകം പിടിച്ചെടുക്കാന്‍ വെമ്പല്‍ കൊള്ളുന്നവര്‍. ഒന്ന്‌ ജീവിക്കാന്‍ കഷ്ട്‌ടപെടുന്നവര്‍. ആഗ്രഹങ്ങളും പ്രതീക്ഷകളുമായി പുതു വര്‍ഷത്തിലും ഈ ജീവിത കഥകള്‍ തുടര്‍ന്ന്‌ കൊണ്ടേ ഇരുന്നു. കുറെ വാര്‍ത്തകളും, പരിഭവങ്ങളും, വേദനകളും, ശുഭ മുഹൂര്‍ത്തങ്ങളും നമുക്ക്‌ വേണ്ടി കാത്തിരിക്കുന്നുണ്ടാവും. ജീവിതത്തിലെ ഓരോ നിമിഷവും പെട്ടന്ന്‌ നമ്മളില്‍ നിന്നും അകന്നു പോകുന്നു .
എന്താണ്‌ ജീവിതത്തില്‍ മൂല്യ മേറിയത്‌ ? ( what is worth while ? ) ലോകത്ത്‌ ചൂടപ്പം പോലെ വിറ്റ അന്ന റോബുസണ്‍ എന്ന സാഹിത്യ കാരിയുടെ പുസ്‌തകമാണ്‌. ജീവിതത്തെ അര്‍ത്ഥ പൂര്‍ണമാക്കാന്‍ ഒരു പാട്‌ കാര്യങ്ങള്‍ ഇതില്‍ പറയുന്നു. ഇതിലെ പ്രധാനപെട്ട ഒന്നാണ്‌ സമയം.’സമയം നാം ബുദ്ധി പൂര്‍വ്വം ഉപയോഗിക്കുക. ജീവിതത്തില്‍ നമുക്ക്‌ എത്രമാത്രം സമയം കിട്ടി. നമ്മുടെ സമയം നാം എങ്ങനെ വിനിയോഗിച്ചു എന്നതിലാണ്‌ പ്രധാനം’.
നമുക്ക്‌ കിട്ടുന്ന ഓരോ സമയവും വില പെട്ടതാണ്‌ .സമയം ആരെയും കാത്തു നില്‍ക്കാറില്ല മരിച്ചവര്‍ക്ക്‌ ഇല്ലാത്തതും നമുക്ക്‌ ഉള്ളതും ഒന്നാണ്‌. ലോക പ്രവാചകന്‍ മുഹമ്മദ്‌ നബി (സ) വാക്കുകള്‍ ശ്രദ്ദിക്കു. നിങ്ങള്‍ അഞ്ച്‌ കാര്യങ്ങള്‍ പ്രയോജന പെടുത്തുക. വാര്‍ധക്യത്തിന്‌ മുമ്പ്‌ താങ്കളുടെ യൗവ്വനം കൊണ്ടും, രോഗത്തിന്‌ മുമ്പ്‌ ആരോഗ്യത്തേയും, ദാരിദ്രത്തിനു മുമ്പ്‌ താങ്കളുടെ ഐശ്വര്യം കൊണ്ടും, താങ്ങള്‍ ജോലിയില്‍ പ്രപ്‌തമാകുന്നതിനു മുമ്പ്‌ താങ്കളുടെ ഒഴിവുകളും, മരണത്തിനു മുമ്പ്‌ ജീവതവും.
സമയമെന്ന സൗഭാഗ്യത്തെ സൂക്ഷ്‌മതയോടെ കൈകാര്യം ചെയ്‌തവര്‍ക്ക്‌ ജീവിതത്തില്‍ വിജയം നേടാന്‍ പറ്റിയിട്ടുണ്ട്‌.
കര്‍മ്മം കൊണ്ട്‌ നല്ലത്‌ ചെയ്‌താല്‍ മാത്രമേ ഓര്‍മകളെ സുഖമുള്ളതാക്കാന്‍ പറ്റുകയുള്ളു. ഓരോ കാല്‍പാടുകളും നന്മയുടെ മരങ്ങള്‍ക്ക്‌ വളക്കൂറുള്ള മണ്ണാണ്‌. ‘നിങ്ങളില്‍ ആരാണ്‌ ഏറ്റവും നന്നായി പ്രവത്തികുന്നതെന്ന്‌ പരീക്ഷികനാണ്‌ ഞാന്‍ ജീവിതവും മരണവുമുണ്ടാകിയത്‌’ എന്നതാണ്‌ ഖുര്‍ആന്‍ വാക്യം.
‘Time and tide wait for no men’ തിരയും സമയവും ആരെയും കാത്തിരികുകയില്ല.




4 comments: